Ungmennafélagið Ármann

Verið velkomin á heimasíðuna okkar

Færslur: 2015 September

28.09.2015 13:34

Íþróttaæfingar hefjast í næstu viku

Sæl öll.

Umf. Ármann og Umf. Skafti ætla að bjóða upp á íþróttaæfingar í vetur og í boði fram að áramótum er krakkablak og fótbolti. Umsjón með krakkablaki hefur Fanney Lárusdóttir og umsjón með fótboltaæfingum hefur Gunnar Pétur Sigmarsson. Æfingagjöld eru 5000 kr á mann fyrir báðar æfingar en 3000 kr fyrir aðra hvora.
Athugið að yngri hópur er á skólatíma en eldri hópur eftir skóla, foreldrar þurfa þá líklega að gera ráðstafanir með að láta skólabíla vita.

Svona lítur dagskráin út:

 

1. - 4. bekkur

5. - 10. bekkur

 

 

 

Mánudagur - krakkablak

kl. 14:40 - 15:20

kl. 15:30 - 16:30

 

 

 

Þriðjudagur - fótbolti

          -  

kl. 15:30 - 16:30

 

 

 

Miðvikudagur - fótbolti

kl. 14:40 - 15:20

             -

 

 

 



Bestu kveðjur,

Linda Agnars



05.09.2015 15:25

Íþróttahátíð og vetraræfingar

Sælt veri fólkið.

Fyrir tæpri viku fór fram Íþróttahátíð USVS í Vík og stóðu liðsmenn Umf. Ármanns sig með stakri prýði eins og ávallt og voru ófá gleðiskref tekin upp og niður verðlaunapallinn. USVS hefur ekki gefið upp sigurvegara stigakeppna en þau úrslit eru vonandi væntanleg fljótlega. Þrátt fyrir það getum við sagt að félagið er óendanlega stolt af sínum keppendum og þeirra framgöngu á mótinu, fyrirmyndarkrakkar og ungmenni sem við eigum hér í sveitinni.

Núna er stutt æfingafrí, krakkarnir eru að sjálfsögðu í íþróttum í skólanum, en hefðbundnar æfingar félagsins hefjast núna í byrjun október og verður til að byrja með boðið upp á krakkablak og fótbolta. Á mánudögum verður krakkablak með Fanney Lárusdóttur og á þriðjudögum verða fótboltaæfingar í umsjón Gunnars Péturs Sigmarssonar. Við auglýsum æfingar og skráningar á þær nánar síðar.

Stjórnin
  • 1
Flettingar í dag: 18
Gestir í dag: 8
Flettingar í gær: 41
Gestir í gær: 6
Samtals flettingar: 131810
Samtals gestir: 25634
Tölur uppfærðar: 16.1.2018 18:38:11

Nafn:

Ungmennafélagið Ármann

Staðsetning:

Kirkjubæjarklaustur

Um:

Ábyrgðarmaður: Linda Agnarsdóttir

Tenglar