Ungmennafélagið Ármann

Verið velkomin á heimasíðuna okkar

Færslur: 2011 Júlí

19.07.2011 14:06

Íþróttaæfing í kvöld

Íþróttaæfing fyrir yngri deild í kvöld á Kleifarvelli kl. 19:30 - 21:00.

Framvegis verða þessar æfingar á þriðjudagskvöldum og fimmtudagskvöldum með fyrrnefndri tímasetningu.

Allir að mæta með góða sumarskapið : )

13.07.2011 17:17

''Eldri deild'' i fótbolta í kvöld

Fótboltaæfing hjá ''eldri deildinni'' í kvöld miðvikudagskvöld kl. 23 á nýslegnum og flottum Kleifarvelli, hvetjum sem flesta til að mæta : )

Stjórnin

11.07.2011 21:29

Íþróttaæfingar

Opin íþróttaæfing á Kleifarvelli fimmtudagskvöldið 14. júlí kl. 19:30 - 21:00 fyrir alla aldurshópa. Ætlunin er að kanna fjölda og aldurskiptingu mættra og verður nánari hópaskipting og tímasetning æfinga ákveðin í framhaldinu. Ef einhverjir komast ekki á fimmtudagskvöld en vilja vera með á æfingum í sumar þurfa þeir að senda póst á umf.armann@klaustur.is með nafni og aldri eða senda skilaboð inni á facebooksíðu Ármanns

Stjórnin

10.07.2011 19:25

Leikjanámskeiði lokið

Lokahátíð leikjanámskeiðsins var haldin á föstudag, vikan er búin að vera rosalega skemmtileg hjá okkkur og ákváðu krakkarnir strax í upphafi vikunnar að láta dapurlegt veðurfar ekki hafa áhrif á góða skapið. Í heildina var hópurinn 12 hressir og skemmtilegir krakkar. Á mánudegi fórum við í útikennslustofununa uppi í skógi í leiki og komum við á skólavellinum á leiðinni heim þar sem spilaður var mjög frjálslegur og fjörugur fótbolti. Á þriðjudag löbbuðum við út að Kirkjugólfi og fórum þar í leiki og borðuðum nesti og fórum svo að drullumalla við Stjórn og á heimleiðinni fengum við okkur ís í Skaftárskála. Á miðvikudag héldum við litla þrautakeppni hér við Skerjavelli þar sem Lið 1 rúllaði upp Liði 2 með 4-0 en þrautirnar voru t.d. pokahlaup og stígvélakast. Á fimmtudeginum nýttum við okkur flotta íþróttahúsið okkar og fórum þar í skotbolta og fleiri skemmtilega leiki. Á föstudeginum tókum við á móti friðarhlaupurunum á skólavellinum og sprelluðum aðeins með þeim, þeir sem vildu fengu að halda á friðarkyndlinum og hlaupa með hann. Leikjanámskeiðinu var svo lokið með flottri pizzaveislu frá Systrakaffi. Yfir vikuna var lætt inn litlum kennslustundum hér og þar í að vera kurteis hvert við annað, taka tillit til þeirra sem yngri eða minni eru og að allir eigi að fá að vera með : )
Þetta var mjög skemmtilegt fyrir mig persónulega og allt frábærir krakkar sem ég vonandi fæ að kenna í skólanum eftir nokkur ár : )

Minni alla á að skoða skemmtilegar myndir inni í myndaalbúminu okkar hér á síðunni og á facebook síðu Ármanns, einnig er hægt að sjá nokkrar myndir frá friðarhlaupurunum og krökkunum hér þegar við fengum þau í heimsókn á föstudag á síðunni  http://www.worldharmonyrun.org/iceland/news/2011/0708

Að lokum vil ég þakka Kjarval, Skaftárskála og Systrakaffi fyrir góðar veitingar til krakkanna,

Bestu kveðjur, Linda Agnarsdóttir 

formaður Ungmennafélagsins Ármanns

06.07.2011 20:07

nýjar myndir

Nýjar myndir komnar inn á myndaalbúmið "Leikjanámskeið 2011"

05.07.2011 19:57

Leikjanámskeið

Komið inn nýtt myndaalbúm sem heitir Leikjanámskeið 2011, endilega kíkið á myndirnar : )
  • 1
Flettingar í dag: 88
Gestir í dag: 36
Flettingar í gær: 108
Gestir í gær: 31
Samtals flettingar: 173557
Samtals gestir: 31366
Tölur uppfærðar: 16.11.2018 13:22:23

Nafn:

Ungmennafélagið Ármann

Staðsetning:

Kirkjubæjarklaustur

Um:

Ábyrgðarmaður: Linda Agnarsdóttir

Tenglar