Ungmennafélagið Ármann

Verið velkomin á heimasíðuna okkar

14.07.2018 02:52

Unglingalandsmót 2. - 5. ágúst

Unglingalandsmót UMFÍ fer fram um Verslunarmannahelgina, 2. - 5. ágúst n.k. 
USVS greiðir þátttökugjald sinna félagsmanna á mótinu og keppendur fá gefins USVS peysu. 

Allar upplýsingar um mótið, skráningar o.fl. má finna á vefslóðinni:
https://www.umfi.is

25.06.2018 16:48

Fyrsta æfing

ATHUGIÐ að vegna leiks Íslands og Króatíu á morgun þriðjud. kl. 18:00 þurfa allir krakkar, yngri og eldri, sem ætla að skrá sig á æfingar í sumar að mæta kl. 15:30 í Íþróttamiðstöðina. Skráningu og sameiginlegri æfingu lýkur svo á sama stað kl. 17:00.

25.06.2018 15:10

Íþróttaæfingar og íþróttaskóli

Ungmennafélagið Ármann auglýsir.

Íþróttaæfingar 6 - 10 ára barna og 11 ára og eldri
Umf. Ármann auglýsir íþróttaæfingar í sumar. Fyrsta æfing er á þriðjudaginn 26. júní. Mæting við ÍÞRÓTTAMIÐSTÖÐINA og er skráning á staðnum.
Æfingar eru á þriðjudögum og fimmtudögum:
 Yngri hópur kl. 18:30 - 19:30 (6 - 10 ára)
 Eldri hópur kl. 19:35 - 21:05 ( 11 ára og eldri)
Aðalumsjón með æfingunum hefur Katarzyna Korolczuk (Kasia íþróttakennari) og einnig munu Gunnar Pétur, Fanney Ólöf, Unnar og Linda Agnars hafa umsjón með nokkrum æfingum.
Einnig er boðið upp á æfingar fjórar helgar í sumar og verður Katla Björg Ómarsdóttir þjálfari á þeim en Katla Björg er að nema íþróttafræði við Háskólann í Reykjavík. Æfingarnar eru helgarnar:
? 30. júní - 1. júlí 14. júlí - 15. júlí 21. júlí - 22. júlí 28. júlí - 29. júlí
Laugardagsæfingar: Yngri hópur kl. 16:00 - 17:00 og eldri hópur kl. 17:05 - 18:35.
Sunnudagsæfingar: Yngri hópur kl. 13:00 - 14:00 og eldri hópur kl. 14:05-15:35.
Þátttökugjald fyrir æfingar sumarsins er kr. 15.000 og systkinaafsláttur er kr. 5.000.
Æfingarnar verða með fjölbreyttu sniði, svo sem leikir, frjálsar íþróttir og boltaíþróttir.
---------------------------------------------------------------------------
Íþróttaskóli 2 - 5 ára barna
Umf. Ármann býður upp á íþróttaskóla í sumar fyrir börn 2 - 5 ára. Þetta eru fjögur skipti á sunnudagsmorgnum: 1. júlí 15. júlí 22. júlí 29. júlí
Börn 2 - 5 ára (fædd 2013 til 2016) eru frá kl. 11:00 - 12:00
Markmiðið með íþróttaskólanum er að kynna börnin fyrir fjölbreyttri hreyfingu og verkefnum í hlýlegu umhverfi sem íþróttasalurinn á að vera. Í íþróttaskólanum fá börnin að reyna sig við ólíkar aðstæður þar sem þörf er á að hoppa, skríða, rúlla og velta sér, hlaupa um og klifra.
Skilyrði og mjög mikilvægt er að foreldrar taki þátt í tímunum með börnunum sínum og aðstoði þau eftir þörfum.
Mælt er með því að börnin mæti berfætt svo þau nái sem bestu gripi á gólfinu en ef einhverjir vilja frekar vera í sokkum að þá er mælt því að það séu sokkar með gripi (stjörnum undir).
Námsskeiðsverð er kr. 5.000
Kennarar í íþróttaskóla Umf. Ármanns er Katla Björg Ómarsdóttir íþróttafræðinemi og Fanney Ólöf.
Skráning á staðnum 1. júlí og frekari upplýsingar veitir Fanney Ólöf í síma 894 1560.

Allir velkomnir á æfingar og í íþróttaskóla Ungmennafélagsins Ármanns

Hittumst og höfum gaman,

Stjórnin

24.05.2018 22:42

Hreyfivika UMFÍ í Skaftárhreppi

Hreyfivika UMFÍ í Skaftárhreppi -

 28. maí til 3. júní

Eitthvað fyrir alla og allir með J

 

·         Sundkeppni sveitarfélaga, mánud. 28.maí til sunnud. 3. júní. Þú mætir í sundlaugina á Klaustri og skráir hjá sundvörðum nafn og hversu marga metra þú syntir. Í fyrra lenti Skaftárhreppur í 3. sæti með 133 synta metra á hvern íbúa og í ár ætlum við okkur á toppinn.

 

·         Hlaupakeppni , þriðjud. 29. maí. Síðasta hlaup af fjórum, lagt af stað frá Íþróttamiðstöðinni á Klaustri kl. 17:30. Þeir sem hlaupið hafa í hin þrjú skiptin hafa safnað punktum og eru verðlaun veitt fyrir flesta punkta í lok þessa síðasta hlaups. Allir í hlaupaskóna og taka þátt.

 

·         Kvöldganga, miðvikud. 30. maí. Mæting kl. 20:00 við Systrafoss og Ástarbrautin gengin í kvöldsólinni (vonandi), ca. 4 km. Allir velkomnir.

 

·         Badminton, fimmtud. 31. maí. Allir velkomnir í badminton í Íþróttamiðstöðinni á Klaustri kl. 17:30 - 18:30. Spaðar og flugur á staðnum, ekkert gjald.

 

·         Krakka-hafnarbolti, föstud. 1. júní. Til að fagna því að júní sé loks kominn er krökkum á Klaustri og í nærsveitum boðið að koma saman í hafnarboltaleik á Klaustri. Mæting kl. 14:00 að Skerjavöllum 7 og fjörinu lýkur kl. 16:00 á sama stað. Ís í boði fyrir spilara að leik loknum.

 

·         Sjóvá Kvennahlaup ÍSÍ, laugard. 2. júní. Hið árlega Sjóvá Kvennahlaup ÍSÍ verður hlaupið frá Íþróttamiðstöðinni á Klaustri. Hlaupið hefst kl. 11:00 og er hægt að velja um 3, 5, 7 og 10 km vegalengdir. Frítt í sund fyrir þátttakendur að hlaupi loknu auk verðlaunapenings, svaladrykks og glaðnings. Hvetjum hressar konur á öllum aldri til að reima á sig hlaupaskóna og vera með.

 

·         Gönguferð, sunnud. 3. júní. Ferðafélag Skaftárhrepps verður með gönguferð frá Mörtungu 1 (neðri bænum) inn í Grjóthól og upp á heiði, fram á Skágötukletta. Þaðan er gengið með brúninni í vestur og niður að Höfðahúsum og þaðan tilbaka. Gangan er um 10 km og tekur ca. 2,5 - 3,5 klst. Lagt er af stað frá neðri bænum kl. 09:30 og fararstjóri er Jóna Björk Jónsdóttir. Ekkert kostar í ferðina en nauðsynlegt er að hafa góða skapið meðferðis J

24.05.2018 20:32

Auglýsum eftir þjálfurum/ Athletic trainers wanted / reklamy trenerów

Ungmennafélagið Ármann auglýsir eftir þjálfara/þjálfurum til að sjá um íþróttaþjálfun sumarið 2018 á Klaustri. Æfingarnar eru fyrir krakka á aldrinum 6-16 ára og hafa síðustu ár verið fótbolti og frjálsar en aðrar íþróttagreinar koma einnig til greina. 
Umsóknir sendist á netfangið linda@klaustur.is fyrir 1. júní n.k. og innihaldi fullt nafn, kennitölu, símanúmer, netfang, menntun og reynslu af fyrri þjálfara/æfingastörfum.
Allar upplýsingar gefur Linda Agnars í síma 6904711 eða í gegnum netfangið linda@klaustur.is

Stjórnin

___

Ungmennafélagið Ármann, athletic club, is looking for an athletic trainer for 6 to 16-year old children in the summer of 2018. The job includes supervision and training football as well as track and field, however, including other sports is an option.
All applications should be sent via e-mail to linda@klaustur.is by June 1st, 2018. Please include your name, i.d. number, contact address, contact number, education and work experience in your application.
For further information, please contact Linda Agnars, tel. 6904711, e-mail. linda@klaustur.is

The UMFÁ board

__

Stowarzyszenie mlodziezy Ármann, klub sportowy, poszukuje trenera dla dzieci w wieku od 6 to 16 lat na okres wakacyjny 2018. Obowiazki obejmuja prowadzenie i trenowanie pilki noznej na boisku sportowym oraz na biezni, z mozliwoscia wprowadzenia innych dyscyplin sportowych.
Wnioski prosze wysylac na e-mail linda@klaustur.is do czerwiec 1 2018. Prosimy o podanie swojego imienia i nazwiska, numeru kennitala, adresu korespondencyjnego, numeru telefonu, wyksztalcenia i doswiadczenia zawodowego.
Po szersze informacje prosimy o kontakt z Linda Agnars, tel. 6904711, e-mail. linda@klaustur.is.

Zarzad UMFÁ


23.05.2018 17:35

Ert þú með hugmynd?

Í næstu viku, 28.5 - 3.6, er Hreyfivika UMFÍ. Við leitum því að hugmyndum um skemmtilega viðburði og/eða hugmyndir sem tengjast hreyfingu og heilsu  Hægt er að senda ábendingar í Facebook skilaboðum til undirritaðrar eða á netfangið linda@klaustur.is. Auglýsing/dagskrá verður send út fyrir helgi ??

Linda Agnars

23.05.2018 14:50

Ný stjórn

Ný stjórn Umf. Ármanns:

Linda Agnarsdóttir, formaður
Fanney Ólöf Lárusdóttir, gjaldkeri
Unnar Steinn Jónsson, ritari
Sigurjón Fannar Ragnarsson, meðstjórnandi
Díana Ósk Pétursdóttir, meðstjórnandi
Sverrir Gíslason, varamaður
Bjarni Bjarnason, varamaður

16.04.2018 12:03

Kjörísmót

Umf. Ármann var með lið á Kjörísmóti í blaki á Selfossi þann 14. apríl s.l.


14.03.2018 20:54

Boltagjöf

Sælir félagar.

Í tilefni af Heilsudögum í Skaftárhreppi gaf Umf. Ármann blakbolta og brennóbolta til Íþróttamiðstöðvarinnar á Klaustri sem nýtast munu krökkunum í Kirkjubæjarskóla og blakdeild félagsins. 
Á myndinni tekur Fanney Ólöf Lárusdóttir blakþjálfari við boltagjöfinni frá formanni Umf. Ármanns, Lindu Agnarsdóttur.

Við í stjórn Umf. Ármanns viljum hvetja íbúa Skaftárhrepps til að nýta sér það sem í boði er á Heilsudögunum og hafa gaman af því að hreyfa okkur saman. Bæklingur var sendur á öll heimili og einnig er hægt að nálgast upplýsingar á Facebooksíðu Heilsudaganna: https://www.facebook.com/HeilsudagaraKlaustri/



Stjórnin


15.02.2018 14:17

Umsóknir í æskulýðssjóð USVS

USVS auglýsir eftir umsóknum
í æskulýðssjóð sambandsins.

 

Styrkhæf teljast verkefni sem uppfylla kröfur 5.gr reglugerðarUSVS um Æskulýðssjóð.

5. grein
Framlög úr æskulýðssjóði má veita til eftirtalinna verkefna, svo fremi að þau verkefni nýtist að öllu, eða mestöllu leyti, æsku aðildarfélaga USVS.

1. Útbreiðslu- og fræðsluverkefna
2. Íþróttastarfs, svo sem keppnisferða og námskeiða á því sviði.
3. Forvarnarstarfs gegn neyslu vímuefna.
4. Tómstunda- og menningarstarfs
5. Annarra verkefna sem snúa að æskulýðsmálum og teljast í samræmi við yfirlýst stefnumið UMFÍ og USVS
.

Umsóknir berist til UngmennasambandsVestur-Skaftafellssýslu með tölvupósti á usvs@usvs.is fyrir 1. mars n.k.

Sambandsstjórn USVS

15.02.2018 14:13

Frjálsíþróttamót USVS innanhús

Frjálsíþróttamót USVS innanhúss.

Innanhúsmót í frjálsum íþróttum verður haldið í íþróttamiðstöðinni á Kirkjubæjarklaustri sunnudaginn 4. mars 2018 og hefst mótið kl. 10:00.

Skráningar berist á netfangið usvs@usvs.is í síðasta lagi sólarhring fyrir mót, nafn og kennitala keppanda ásamt keppnisgreinum. Nánar um fyrirkomulag mótsins á heimasíðu USVS, www.usvs.is undir lög og reglugerðir USVS.

Hvetjum alla til að mæta og taka þátt og viljum við biðla til foreldra sem geta aðstoðað t.d. við mælingar vinsamlegast að gera það.

Stjórn USVS

 

10.01.2018 15:09

Fótboltaþjálfari óskast

Umf. Ármann óskar eftir aðila til að sjá um fótboltaæfingar frá janúar til maí.
Vinnutíminn eru 1,4 klst einu sinni í viku og er um að ræða yngri hóp 6-9 ára og eldri hóp 10-16 ára. Æfingar fara fram í Íþróttamiðstöðinni Kirkjubæjarklaustri.

Allar nánari upplýsingar gefur Linda Agnars
í gegnum netfangið linda@klaustur.is.

Stjórnin

22.11.2017 18:45

Knattspyrnumòt ì Vìk 26. nòv.

Sæl öll.

Innanhùsmòt ì knattspyrnu verdur haldid ì Vìk sunnud. 26. nòv. n.k. og hefst mòtid kl. 10:00. Keppt er ì 6 manna lidum ì tveimur aldurshòpum. Yngri hòpur 1. - 4. bekkur og eldri hòpur 5. - 10. bekkur.
Skràningum þarf ad skila til undirritadrar ì sìdasta lagi à föstudag. Upplýsingar og skráningarblöd voru send foreldrum allra nemenda Kirkjubæjarskòla à Sìdu ì gær.

Bestu kvedjur, Linda Agnars

05.09.2017 09:25

Stundaskrá í íþróttamiðstöð

Sæl öll.

Svona lítur stundaskrá haustannar 2017 út í Íþróttamiðstöðinni Klaustri. 
Krakkablakið, fótboltinn, skákin og sundið er ætlað nemendum Kirkjubæjarskóla, 1. - 10. bekk.
Konublakið, karlaboltinn, badminton, körfubolti og konubrennó er fyrir eldri deildina og allir velkomnir :)

Stundaskrána má nálgast og prenta út hér til hliðar í skránum.

Ef einhverjar spurningar vakna má senda þær sem og aðrar hugleiðingar á netfangið linda@klaustur.is.

Bestu kveðjur, Linda Agnars



Kl. Mánudagur Þriðjudagur Miðvikudagur Fimmtudagur Föstudagur
           
14:40 - 15:20 Krakkablak yngri Fótbolti yngri Skák yngri    
15:30 - 16:30 Krakkablak eldri Fótbolti eldri Skák eldri    
16:30- 17:30   Sund 5. - 10. b.   Badminton  
17:30 - 18:30          
19:30 - 21:00   Konublak Körfubolti    
20:00 - 21:30       Konubrennó  
21:30 - 23:00   Karlabolti   Karlabolti  

14.08.2017 22:32

Midvikudagurinn 16. àgùst

Sæl öll.

Miðvikudaginn 16. ágúst n.k. verður Snædís með fótboltaslútt sem enda mun með pizzaveislu. Allir krakkar sem mætt hafa á æfingar í sumar eru velkomnir, hvort sem þeir voru á frjálsíþrótta- eða fótboltaæfingum. 
Mæting er kl. 13:00 á sparkvellinum.

Stjórnin
Flettingar í dag: 61
Gestir í dag: 26
Flettingar í gær: 146
Gestir í gær: 32
Samtals flettingar: 160011
Samtals gestir: 28309
Tölur uppfærðar: 20.7.2018 23:47:45

Nafn:

Ungmennafélagið Ármann

Staðsetning:

Kirkjubæjarklaustur

Um:

Ábyrgðarmaður: Linda Agnarsdóttir

Tenglar