GÖNGUTÚR eða BOCCIA fyrir 60+ á morgun laugardaginn 12. mars kl. 10:30-11:30.

Ef leiðindaveður þá er BOCCIA og þá að mæta í inniíþróttaskóm. Ef gott veður þá göngutúr. Þjálfari er Sigmar Helgason

UMFÁ vill hvetja sem flesta 60+ að mæta og taka þátt. Þessir tímar eru í boði Ungmennafélaganna og Skaftárhrepps.

Við viljum sjá miklu fleiri mæta þannig að það er um að gera fyrir 60+ að drífi sig upp úr sófanum og fari að mæta

Höfum gaman saman 

Hreyfikveðja frá Ungmennafélaginu Ármanni, Skafta og Skaftárhreppi

Aðalfundur Ungmennafélagsins Ármanns var haldinn föstudaginn 4. mars.

 Á dagskránni var farið yfir skýrslu stjórnar og reikninga sem voru samþykktir. Sitjandi stjórn gaf öll kost á sér áfram og var það samþykkt með lófataki. Fanney Ólöf Lárusdóttir formaður, Svava Margrét Sigmarsdóttir ritari, Kristín Lárusdóttir gjaldkeri, Gunnar Erlendsson og Bjarni Dagur Bjarnason meðstjórnendur. Bjarni Bjarnason varamaður í stjórn. Skoðanamenn voru endurkjörnir, Sigmar Helgason og Sverrir Gíslason.

Góðar umræður voru um starfsemi félagsins. Töluvert var rætt um hvernig við gætum fengið iðkendur 60+ til að mæta á þær æfingar sem verið er að bjóða upp á fyrir þennan aldurshóp. Rætt var um sumaræfingar fyrir börn og unglinga. Sigurður Eyjólfur kynnti m.a. LEIKJANÁMSKEIÐ sem verður haldið í sumar fyrir yngri börnin okkar. 

Hlökkum til að takast á við nýtt starfsár Ungmennafélagsins Ármanns

Íþróttakveðja,

Fanney Ólöf formaður