Sælir kæru foreldrar.

Næsta laugardag, 24. nóvember, verður seinni sameiginlega fótboltaæfing 5. - 10. bekkjar Skaftárhrepps og Mýrdalshrepps. Æfingin hefst kl. 10 og er 1,5 klst. og er haldin í íþróttahúsinu Vík.

Þjálfari er Sigurður Eyjólfur Sigurjónsson.

Það er nauðsynlegt að skrá krakkana á æfinguna því Mýrdælingar ætla að bjóða þeim í pizzupartí eftir æfingu.

Vinsamlegast sendið skráningar á netfangið [email protected] í síðasta lagi fimmtudaginn 22. nóv.

Með von um góða þátttöku.

Bestu kveðjur, Fanney Ólöf

Sæl öll.

Í dag hefjast fótboltaæfingar og verða þær á þriðjudögum fram að jólafríi. Okkur barst góð aðstoð úr óvæntri átt en Baldur Fannar Andrésson, ferðaþjónustubóndi að Dalshöfða, ætlar að taka að sér fótboltaþjálfun á þessum æfingum. Baldur byrjaði að æfa fótbolta 6 ára með Haukum í Hafnarfirði og æfði og spilaði stanslaust með þeim í 10 ár. Hann tók sér hlé frá fótboltanum í 4 ár og byrjaði aftur tvítugur að spila í 3. deild og spilaði þar í 6 ár. Stefnan er að einblína á að hafa fótboltaæfingarnar skemmtilegar, æfa sendingar og skot og að taka á móti boltanum og spila vel á milli. Það verða ekki þrek- eða hlaupaæfingar. Æfingarnar eru settar upp þannig að í byrjun er farið í léttar æfingar og svo verður spilað.

Enn er hægt að skrá krakkana á fótboltaæfingarnar, endilega hafið bara samband

kv, Linda Agnars