Sæl öll.

Krakkarnir í eldri hópnum í krakkablaki hafa skorað á konurnar í konublakinu í blakkeppni og fer keppnin fram í kvöld þriðjud. 28. mars kl. 19:30 í Íþróttamiðstöðinni Klaustri.

Krakkarnir eru mjög spennt fyrir þessari keppni og væri mjög gaman að sem flest myndu mæta. Krakkarnir ráða því sjálf hvort þau taka þátt í keppninni en þjálfarinn vill endilega að allir mæti.

Foreldrar og systkini eru endilega velkomin að hvetja.

Vonast til að sjá sem flesta.

Bestu kveðjur,

Fanney Ólöf

þjálfari krakkablaksins 

Nemendur 8. - 10. bekkjar í Kirkjubæjarskóla á Síðu stóðu fyrir áheitasundi síðustu helgi. Krakkarnir syntu í sólarhring frá kl. 15:00 á föstudeginum til 15:00 á laugardeginum.             Tilefnið var að safna áheitum fyrir Félagsmiðstöðina Klaustrið. 13 krakkar syntu samtals rúma 119 km og 17 gestir lögðu þeim lið með því að synda með þeim rúma 24 km.                     Áheitasundið er orðið að árlegum viðburði í Kirkjubæjarskóla og bættu þau sig frá því í fyrra með því að synda rúmlega 6 km lengra í heildina.                                                                          Enn er hægt að styrkja krakkana með fjárframlagi og má leggja inn á 0317-13-700690 kt. 6604060690.