Sæl öll.
Í gær var rosalega gaman hjá okkur í krakkablaki og náðu krakkarnir að sýna að þau hafa engu gleymt síðan í krakkablakinu í vetur, takk Fanney Lár fyrir að koma og vera með okkur, þú ert frábær :)
Í dag vorum við svo í golfi á golfvellinum við Hótel Laka og var Logi með okkur og krakkarnir fengu að æfa sig í pútti og lengri höggum ásamt því að Bjarki Geir, sonur Loga, sem er 15 ára golfsnillingur sýndi krökkunum hvernig alvöru golfarar bera sig að og fannst krökkunum það mjög spennandi og fróðlegt. Logi vill í framhaldinu endilega árétta að alltaf eftir kl. 17 á miðvikudögum er öllum frjálst að koma á völlinn og prófa golf og er þá í boði bæði að fá lánaðar kylfur, kúlur oþh og einnig er hægt að fá sýnikennslu og ráðgjöf hjá honum og Bjarka Geir. Ég hvet ykkur endilega til að nýta þetta góða tilboð sem best í sumar enda er frábært fyrir fjölskylduna að smella sér saman í golf þar sem þetta er frábær afþreying fyrir alla fjölskylduna. Set fljótlega inn myndir á facebook síðuna okkar frá deginum í gær og í dag, endilega kíkið þangað :)
Á morgun miðvikudag ætlum við að hittast á skólalóðinni hjá KBS og leika okkur saman í alls konar þrautabrautum og skemmtilegheitum. Við byrjum kl. 11 eins og hina dagana og endum kl. 14.
Muna eftir því að klæða sig eftir veðri og hafa með hollt og gott nesti :)
Hlakka til að sjá ykkur krakkar,
Linda Agnars
