Ungmennafélagið Ármann

Verið velkomin á heimasíðuna okkar

Færslur: 2013 Maí

30.05.2013 15:01

síðasta gönguferð

Nú er komið að síðustu gönguferðinni okkar og ætlum við núna á laugardaginn 1. júní að ganga inn í dalinn hjá Geirlandi og Mörk. Við hittumst hjá heyrúllunum kl. 13:00 og gangan er um 4 km eftir slóða á jafnsléttu og frekar létt og skemmtileg ganga með þó örlítilli urð inni í dalnum.

Nú er að reima á sig gönguskóna og arka með okkur í þessari síðustu skipulögðu gönguferð okkar í átakinu 9 leiðir á 9 vikum. 

Hlökkum til að sjá ykkur sem flest á laugardaginn :)


Stjórnin


23.05.2013 20:20

Næst síðasta gönguferðin

Sælir göngugarpar. 

Síðasta laugardag gekk góður hópur brúnirnar ofan við Hunkubakka í fínu veðri og þökkum við þeim mektarhjónum Björgvini og Björk kærlega fyrir skutlið tilbaka ;) Myndir úr þeirri ferð og eldri göngum má finna hér til hliðar í myndaalbúmi.

Núna á laugardaginn er komið að næstsíðustu gönguferðinni en þá ætlum við að ganga brúnirnar ofan við Mörk og Geirland. Þessi ganga er um 11 km hringleið og á henni er hægt að sjá bæði fallegt útsýni yfir brúnirnar og heiðasýn ásamt merkilegum stöðum á leiðinni.

Vonumst til að hitta ykkur sem flest, gangan hefst við íþróttavöllinn á Kleifum kl. 13:00 stundvíslega.



Bestu kveðjur, 


Stjórnin

17.05.2013 17:38

Gönguferðin á morgun

Sælir á ný göngugarpar.

Við minnum á gönguferðina á morgun og hvetjum alla til að mæta og ganga með. Gengið verður út með brúnum að Hunkubökkum og hefur fregnast af duglegum leiðsögumanni sem ætlar að leiða ferðina og þeir sem á því þurfa að halda geta fengið far frá Hunkubökkum aftur tilbaka á hlaðið við Systrafoss þar sem bílar verða geymdir.

Hlökkum til að sjá ykkur sem flest á morgun kl. 13:00 á hlaðinu við fossinn og vonum að veðurguðirnir brosi við okkur eins og í dag :D


Stjórnin

17.05.2013 00:11

Eurovisionganga

Þar sem Eyþór stóð sig frábærlega vel í kvöld og kom Íslandi í aðalkeppnina á laugardaginn er ekki úr vegi að byrja Eurovisiondaginn með hressandi gönguferð (fínt að hlaða smá inneign í kroppinn fyrir allt snakkið og snarlið yfir lögunum). 

Ferðinni er því næsta laugardag, þann 18. maí, heitið út með brúnum að Hunkubökkum. Þetta er um 6 km leið og frekar létt ganga þegar komið er upp á brúnirnar hjá Systrastapa. 

Við hittumst á planinu við Systrafoss kl. 13:00.

Hvetjum alla til að reima á sig skóna og fá sér heilsubótargöngu í góðum félagsskap, þetta er þriðja síðasta gönguferðin í átakinu okkar og því ekki seinna vænna en vera með.


Hlökkum til að sjá ykkur sem flest,


Stjórnin

07.05.2013 18:18

Golfdagurinn mikli !!

Golfdagurinn mikli !

Golfdagur verður á Hótel Laka fimmtudaginn 10. maí n.k. 
Fjörið byrjar um 13:00 og verður fram eftir degi.

Upplagt að prófa golf með skemmtilegu fólki. 

Frítt fyrir alla og leiðsögn, kúlur og kylfur á staðnum

Allir velkomnir : D



06.05.2013 21:33

Göngufréttir

Nú er það að frétta af gönguátakinu okkar að við erum hálfnuð og vel það, farnar hafa verið 5 skemmtilegar gönguferðir hér um nágrennið okkar og eru fjórar ferðir eftir. 
Endilega kíkið á myndaalbúmið hér til hliðar, nýjustu myndirnar eru fallegt útsýni frá Sönghelli síðustu helgi. 
 
Næsta laugardag ætlum við að labba inn að Stjórnargljúfri kl. 13:00. Sú leið er um 7 km og hringleið. Gangan hefst við íþróttavöllinn á Kleifum.

Hlökkum til að hitta ykkur sem flest, vonandi verða veðurguðirnir blíðir við okkur en að sjálfsögðu er alltaf best að klæða sig eftir veðri :D



bestu göngukveðjur,

Stjórnin



04.05.2013 12:12

Frestum gönguferð

Gönguferðin sem átti að vera í dag kl. 13 frestast þar til á morgun sunnudag kl. 13. Vonum að veðurguðirnir verði blíðari við okkur þá :D


bestu kveðjur,

Stjórnin

02.05.2013 17:02

Stutt ganga á laugardag

Næsta laugardag ætlum við stutta skógargöngu á Klaustri, leiðin er aðeins um 1,5 km og hefst á hlaðinu við Systrafoss kl. 13:00. Um 40 m hækkun er í byrjun og nokkuð bratt þar sem farið er niður vestan við Sönghelli.
Hvetjum að sjálfsögðu alla söngelska röltara að koma með okkur og taka eins og eitt lag í sönghellinum.

Hlökkum til að sjá ykkur,



Stjórnin





  • 1
Flettingar í dag: 61
Gestir í dag: 26
Flettingar í gær: 146
Gestir í gær: 32
Samtals flettingar: 160011
Samtals gestir: 28309
Tölur uppfærðar: 20.7.2018 23:47:45

Nafn:

Ungmennafélagið Ármann

Staðsetning:

Kirkjubæjarklaustur

Um:

Ábyrgðarmaður: Linda Agnarsdóttir

Tenglar